【EP.2 點解要學STEM🔩?】

STEMeverywhere.HK
2021年8月10日
讀畢需時 2 分鐘

🧒🏻：學校已經好多科要學la wor點解仲要我去學STEM 吖？

👩🏻‍🦱：乖la，學STEM對你有用ga💬 （心底只係覺得：隔離屋陳太個仔都學緊，所以我個仔都要學🤦🏻‍♀️……社會主流，人人都講STEM唔識好蝕底🛠……學多一樣嘢贏在起跑線搵學校都易啲💨……）

呢個問題相信係唔少學生嘅疑惑，而同樣地唔少家長都好渴望佢哋嘅小朋友去學STEM，但一直嘅理由都只係「因為學STEM有用」，咁究竟點解學STEM係「有用」先？喺講有用之前講咗點解要學先😉~

【點解要學STEM？】

📣EP.1 提到「培養佢哋STEM嘅素養 — 將知識、實踐同價值觀融合，令到佢哋具備終身學習嘅能力😎」STEM好多時候講緊應用性，關連性，實踐能力等等，換句話說，有別傳統嘅科目。傳統科目大多數局限於紙本，並唔係去解決個問題，啫係好似「數學科」➕➖✖➗咁，老師教計三角形🔺️可以用一堆equations，計直角三角形📐嘅時候要用sin cos tan，但通常都只係exam-oriented，完咗個考試之後，你仲應唔應用得到喺日常生活入面？🤨再舉多個例子，「熱脹冷縮」呢個原理冇人唔知👐🏾，但到你要幫手砌磚牆🧱，鋪地板嘅時候你會唔會諗返個原理出嚟？

講咗咁多，STEM其實係著重小朋友喺學嘅時候唔只單單應用喺比賽、考試上面，係同時運用晒所有學科知識，特別係"STEM"呢4科嘅知識去解難，去研究，去應用實踐出嚟，而唔係考試科科攞滿分，考完就算，喺STEM嘅世界入面所有可能性都有可能發生，而學習嘅過程大多數都係一個個問題❓咁俾你，正正需要你去搵答案解決呢個問題，但STEM係唔會有correct answers❌✅，只要你解決到個問題就已經係答案✔🛠

所以點解要學STEM？社會需要固然有影響，但更重要嘅係對小朋友對學生自身嘅能力有影響而同時相對其他人會睇多咗好多嘢，唔單單只係表面，原理，構造等等可以提升小朋友對唔同事物嘅興趣、留意等，唔再單單局限喺exam-oriented📃同紙上談兵嘅知識📚，係「接觸得到運用到嘅知識」，唔再「離地」，而且趣味性大增，唔再枯燥乏味✌🏾

----------------------------------------

【學STEM有用？🤔】

EP.3 待續……🧐

---------------------------------

🔎關於STEM嘅小知識

🔩Facebook: STEMeverywhere.HK

🗣FB Forum: link in bio

❤like完記得share 埋出去吖！